Qualitéit
kultivéieren

Den Tubak ass d'Matière première, där mir eis
verschriwwen hunn. Mir kréien den Tubak vun de
beschte Plantagen an Nordamerika, Simbabwe an Europa. Bei der Auswiel an dem Kaf vum Tubak begleeden eis eis eegen Tubaksexperten op d'Plaz. Si kontrolléieren
d'Wuer, maache Stéchprouwen an akzeptéieren
nëmmen 1-a-Qualitéit.

 

 

 

Ech hunn eng Fro

EISE QUALITÉITS-PRODUKTIOUNSPROZESS

  • DEN TUBAK 1

    DEN TUBAK

    Déi gedréchent a fermentéiert Tubaksblieder komme gutt geschützt a verpaakt an eisem Lager un, prett, fir mat der gréisster Virsiicht weiderverschafft ze ginn.

  • DE BLENDING 2

    DE BLENDING

    Tubak ass en Naturprodukt, mat deenen ënnerschiddlechsten Aromaen, déi vu Rekolt zu Rekolt kënne variéieren. Fir den typesche Goût vun enger Landewyck-Mark ze kréien, gi verschidden Tubakszorten zu engem "Blend" gemëscht. Esou bleift de Goût vun enger Mark iwwer Joren d'nämmlecht.

  • D'CASINGTROMMEL 3

    D'CASINGTROMMEL

    Den Tubak gëtt duerch Waasserdamp op optimal 21% Fiichtegkeet bruecht an an der Casingtrommel mat natierlechen Aromae versat.

  • D'MËSCHBOX 4

    D'MËSCHBOX

    Den Tubak gëtt an horizontale Schichten an d'Mëschboxe gefëllt an no e puer Stonne a vertikale Sträifen erausgeholl. Dëst garantéiert eng optimal Mëschung vun de verschiddenen Tubaken.

  • DE SCHNËTT 5

    DE SCHNËTT

    Fir Zigarette gëtt d'Tubaksmëschung 0,8-1 mm breet geschnidden. An der Dréchentrommel gëtt d'Fiichtegkeet vum Tubak op ca. 12-13% reduzéiert. Den Tubak kann elo weiderverschafft ginn.

  • D'ZIGARETT 6

    D'ZIGARETT

    Aus dem Container, wou den Tubak zwëschegelagert ass, gëtt den Tubak ugesaugt, d'Fasere ginn zu engem gläichméissege Strang geformt an op Pabeiersträife mat Filterstécker geluecht. Doduerch entsteet eng Zort "Endlos-Zigarett", déi duerno dann an eenzel Zigarette geschnidde gëtt.

Ech hunn eng Fro

 

 

Virginia

Dësen Tubak ass nom US-Bundesstaat Virginia benannt, wou e fir d'éischt ugebaut gouf. Wéint senger orange-gieler Faarf, déi en duerch d'Dréchnen a waarmer Loft kritt, gëtt en och "hellen Tubak" genannt. Subtropesch Regioune mat wéineg Reen, wéi den US-Bundesstaat Georgia, Simbabwe oder de Süde vu Brasilien, bidden optimal Konditioune fir dës Tubakszort.
Duerch d'Behandlung mat waarmer Loft gëtt den Tubak dréchen an ass gutt ze verschaffen. Duerch d'Dréchne reduzéiert sech och de Risiko vu Schimmelbefall an déi chemesch Prozesser, déi di sensoresch Qualitéit verbesseren, gi stimuléiert. Virginia-Tubak huet 1% bis 3,5% Nikotin an en natierlechen Zockergehalt vu 5 bis 25%.

 

Virginia-Tubak huet en natierlechen an aromatesche Goût.
An de Virginiamëschungen ass just nëmme Virginia-Tubak, deen an der waarmer Loft gedréchent gouf. Et gi keng Geschmacksverstäerker oder Aromae bäigemëscht. Dësen Tubak ass virun allem a Kanada a Groussbritannien beléift. An den "American blends" ass och Virginia-Tubak, awer vill manner, heiansdo nëmmen 30%.

 

Ech hunn eng Fro